АДЗЫНЫ ГИНЭ...

Крезьгурез Геннадий Ганьковлэн
Кылъёсыз Александр Белоноговлэн

Адзыны гинэ,

Адзыны гинэ,

Коть шорад гинэ

Учкыны,

Коть бордад ке но,

Киосад ке но,

Чиньыен ке но

Йотскыны.

Тонэн чош гинэ,

Тонэн чош гинэ,

Коть ожыт гинэ сылыны,

Ог кылын ке но,

Ваземдэ ке но,

Куарадэ ке но

Кылыны.

Мозмонме гинэ,

Мозмонме гинэ,

Котжожме гинэ

Улляны,

Нош ожыт ке но,

Огдырлы ке но,

Эсэплы ке но

Буйганы.

Тонэн чош гинэ,

Тонэн чош гинэ,

Коть ожыт гинэ сылыны.

Адзыны гинэ,

Адзыны гинэ,

Коть шорад гинэ

Учкыны...

Мусояське кырын юг май...

Крезьгурез Мефодий Караваевлэн

Кылъёсыз Владимир Котковлэн

Льӧмпу сяська пурӟе, пурӟе,
Мусояське кырын юг май.
Мон тон понна озьы куазез
Ачим туннэ чебер югмай.
Сюрес дурысь куаръёс вылэ
Мон кенжытӥ уно сяська.
Тюрагаез лэзи вылэ,
Тон вуытозь медаз васька.

Припев:

Кӧня возьмай, уез ӧй кӧл,
Нош тон ӧвӧл, ӧвӧл, ӧвӧл.
Шат кожаськод, сюлмын капчи?
Мон мынӥсько дорад ачим.

Кырӟа вылэм татын но май.
Сяська, сяська oг сю иськем.
Тонэ мон ас дорам возьмай,
Нош тон татын возьмад, иське.
Монэ дорад возьмад, иське.
Мон со дыре астэ возьмай.
Огмы но, дыр, ӧм малпаське,
Нош тӧлӟысал ке чебер май.

Нылыд, пиед вордскиз ке....

Крезьгурез Мефодий Караваевлэн

Кылъёсыз авторэзлэн

Нылыд, пиед вордскиз ке семьяяд,
Укно улад ик мертты тон льӧмпу.
Нылдэ-пидэ музэн тон нуныя, нуныя,
Сюлмаськыса тон будэты льӧмпу.

Дырыз вуиз ке, сяськазэ усьтоз,
Шырчик гурен тыныд со шулдыртоз.
Шимес тӧлэн уин вузылыкуз, вузылыкуз
Корка уз лэзьы пырыны льӧмпу.

Быдэсмизы ке нош нылпиосыд,
Оло, мукет азе лобӟылозы,
Соку анай сюлэм музэн гуртэ
Льӧмпу ялан ӧтёз нылдэ-пидэ.

Эн куректы, анай, льӧмпу юрттоз,
Пурысь йырдэ мусо маялтылоз,
Нылыд-пиед музэн кужым сётоз,
Со улондэ но выльысь шулдыртоз.

Нылыд, пиед вордскиз ке семьяяд,
Пинал льӧмпу тон мертты, дэмласько.
Будэм нылпиослэн шудзы музэн, шудзы музэн,
Гуртын льӧмпу сад мед шукыяськоз.

Яратонэ

Крезьгурез Мефодий Караваевлэн

Кылъёсыз авторэзлэн

Яратэ, яратэ, яратэ
Музъемез, шундыез, лыз инэз.
Аратэ, аратэ, аратэ
Дуннее яратон тылпуэз.

Кырӟалэ, вералэ, бӧрдылэ,
Яратон гинэ медло вӧзаз.
Люкиське, кошкелэ, бертэлэ,
Яратон медаз кысы, медаз.

Ялыке, ялыке, ялыке,
Яратон инмарез данъялом.
Ойдолэ, ойдолэ, ойдолэ
Сюлмамы сое весяк нуллом.

Яратэ, яратэ, яратэ
Кызьпуэз, лысвуэз, турынэз.
Яратонэз но тӥ яратэ,
Куке но берыктоз дурыныз.

тулыс сяськаос жужаку

Тулыс сяськаос жужаку,

Шулдыр возь вылтй ветлыку

Трос пол вералляд мыным тон,

Кыче со луэ яратон.

Сое чошатьяд шундыен,

Чебер льоль пиштись сяськаен.

Шуид, со кенже сюлэме,

Тылпу кадь ялан пуроме.

Озьы но, тазьы но шуид,

Ялан выль кылъёс бырйылйд.

Нош кыче аслад гажамед —

Али но уг лу валаме.

Кинъёс, кинъёс, кинъёс, кинъёс лыктӥллям

Кинъёс, кинъёс, кинъёс, кинъёс лыктӥллям?

Ватка нылъёс, Ватка нылъёс лыктӥллям.

Кытӥ, кытӥ, кытӥ, кытӥ лыктӥллям?

Чупчи кузя, Чупчи кузя лыктӥллям.

Кытын, кытын, кытын, кытын колӥллям?

Кабан урдсын, кабан урдсын кӧлӥллям.

Маин, маин, маин, маин пыласькиллям?

Ӵукна усем, ӵукна усем лысвуэн.

Маин, маин, маин, маин ӵушкиллям?

Бадяр куарен, бадяр куарен ӵушкиллям.

Малы, малы, малы, малы лыктӥиллям?

Сины-юны, сины-юны лыктӥллям.

Кытысь, кытысь, кытысь, кытысь кылӥллям?

Ымысь ыме, пельысь пеле кылӥллям.

Маин, маин, маин, маин сюдӥллям?

Толло ӝукен, толло ӝукен сюдӥллям.

Маин, маин, маин, маин секталлям?

Чырс сюкасен, чырс сюкасен секталлям.

Кытӥ, кытӥ, кытӥ, кытӥ бертазы?

Чупчи кузя, Чупчи кузя бертозы.

Маин, маин, маин, маин кошкозы?

Дас кык пыжен, горд полысэн полсаса.

Самовардэ пукты али.

Самовардэ пукты али, ой, уроме,

Самовардэ пукты али, ой, уроме.

Али гинэ пуктысал но,

Кӧс эгыре чик ӧвӧл.

Али гинэ пуктысал но,

Кӧс эгыре чик ӧвӧл.

Чайдэ но пар али, ой, уроме.

Али гинэ парысал но,

Памильной чай чик ӧвӧл.

Ӝӧккышеттэ вӧлды али, ой, уроме.

Али гинэ вӧлдысал но,

Ӝуткам ӝӧккышет чик ӧвӧл.

Ӵашадэ потты али, ой, уроме.

Али гинэ поттысал, но,

Зарни ӵашае чик ӧвӧл.

Кырезьдэ шуд али, ой, уроме.

Али гинэ шудысал но,

Тальяныской си ӧвӧл.

Кышнодэ эктыты, ой, уроме.

Али гинэ эктытсал но,

Чильпам айшетэз ӧвӧл.

Чабкондэ чабкы али, ой, уроме.

Али гинэ чабкысал но,

Капчи мылкыд чик ӧвӧл.

Кырӟаса лэзём али но

Кырӟаса лэзём али но

Вераса лэзём али.

Та мӧзмылэм сюлэмъёсмес

Буйгатса лэзём али.

Шудӥ, шудӥ мон тӥледын,

Шудон сямен синмаськи.

Шудон сямен синмаськи но

Люкиськонтэм кадь луи.

Тӥ уд лыктэ ми доры но,

Ми ум мынэ тӥ доры.

Ку адӟомы на огмес огмы,

Али ке но ӧм адӟе.

Кикы ӧвӧл, уӵы ӧвӧл,

Ум быгатске кырӟаны.

Кыллы устоесь ми ӧвӧл,

Ум быгатске пӧяны

        Ум люкиське   

Кылзэ али, ой, эшъёсы,

Арган куара мар вера:
Яратылон эшъёсмылэсь
Ум люкиське, со шуэ.

Ум люкиське, ум люкиське,
Ноку но ум люкиське
Куар ву пыдсы выйытозь но
Из ву вылэ лӧптытозь.

Ум люкиське, ум люкиське,
Ноку но ум люкиське
Айы ӟазегмы пузатозь,
Ошмы кунян вайытозь.

Ум люкиське, ум люкиське,
Ноку но ум люкиське,
Яратылон эшъёсмылэсь
Ноку но ум люкиське.

Удмуртская народная песня: Ум Люкиське — Текст песни http://mirpesen.com/ru/udmurtskaja-narodnaja-pesnja/um-ljukiske.html#ixzz2RptdaOgf

  Юг дыдык...

                                      Крезьгурез Николай Шабалинлэн 

                                       Кылъесыз Михаил Федотовлэн 

Тыныд гинэ усьто мон сюлэмме,
Овол кужым тазьы курадзыны.
Куке кайгу сьблта вамышъёсме,
Куке адзон оте пумиськыны.

Куке сьорад вужер выллем ветлэ,
Висён музэн кортна тонэ жадён.
Куке мылкыд сётскон сярысь ялэ,
Куке ноку уз лыкты ни утён.

Нош кытын ке бордэ ук осконэ,
Лопыръяське шудтэм юг дыдыке.
Ой тоды мон ноку восяськонэз,
Воршуд азььш бадаым ик сьолыке.

Сосыр сюлэм сюсьтьш кадь дырекъя,
Яра вылам медаз экты калык.
Кинлы оски — кьштэ но ворекъя,
Нош мон сое кожай вал юг дыдык

                   Ой, сюлмы, сюлэмы...

                                                               Кезьгурез но кылъесыз Надежда Уткиналэн 

Ой, сюлмы, сюлэмы,
Map бен тон кариськод?
Кытчы, кытчы монэ
Жалятэк нуиськод?

Со чебер, со кужмо,
Со капчи мылкыдо:
Синмаськид ке солы,
Пыраклы яратод.

Нош малы-о, малы
Мон сое лумитай?
Юн яратонэзлы
Дась овол ук мон ай...

Мон солэсь кышкасько
Мон сое витисько.
Аслэсьтым сюлэмме
Мон солы кузьмасько.

                                                                 

         Сюрес дурын                                                                                       Крезьгурез Николай Постниковлэн                                                        Кылъёсыз Ашальчи Окилэн

Сюрес дурын
Баблес кызьпу.
Атай,сое
Тон эн кора.

Шуръёс дурысь,
   Возь вылъёсысь.
                          Агай, турын                                                                                        
                                                                                Тон эн турна.

                                                                                Чуж зег полын
                                                                             Лыз сяськаос.
                                                                          Апай, сое
                                                                            Тон эн ишка.

                                                                            Гурезь улын
                                                                              Чылкыт ошмес
                                                                           Анай, вузэ
                                                                           Тон эн пожа.

                                                                             Сюрес дурысь
                                                                                 Баблес кызьпу —
                                                                         Мынам луоз
                                                                            Со мугоры.

                                                                            Возь вылъёсысь
                                                                               Чилясь турын —
                                                                    Мынам луоз
                                                                            Чуж йырсие.

                                                                             Чуж зег полысь
                                                                               Лыз сяськаос —
                                                                       Мынам луоз
                                                                                Лыз синъёсы.

                                                                          Гурезь улысь
                                                                                   Чылкыт ошмес –
                                                                          Уно бордэм
                                                                          Синвуосы!

                   Капи- кап

                                                                                     крезьгурез Алевтина Корепановалэн

                                                                                                  кылъёсыз Алла кузнецовалэн

Капи- кап- капи… Липетысь васько,
Шундыен шудо шапыкъёс. Капи- кап- капи…
Бам кузя васько, Лулпушме тыро синвуос.
Кинлэн ке садаз сяськаос гинэ,

Кинлы ке чечы муш бича,
Нош мынам садам лек пушнер будэ,
Кылдымтэ понна купанча.

Парзэ пар утча, зольгыри ке но,
Гурлало чагыр дыдыкъёс.
Мон понна гинэ вордиськымтэ паре,
Палэнти ортчо тулысъёс.

Зечбуресь, гажано эшъёс!